ಭಂಡಾರಕೇರಿ ಮಠ,ಉಡುಪಿ


ಶ್ರೀ ವಿದ್ಯೇಶತೀರ್ಥರ ಕೃತಿ

ಶ್ರೀ ವಿದ್ಯಾಮಾನ್ಯವಂದನಾಷ್ಟಕಮ್

ವಿಬುಧೇಷ್ಟಕರಾಬ್ಜೋತ್ಥಂ ಚೀರ್ಣಕಾಷ್ಠ ಮಹಾವ್ರತಮ್ |
ವಿದ್ಯಾಮಾನ್ಯಗುರುಂ ವಂದೇ ಸಿದ್ಧ ಮಂತ್ರಮಹಾಮುನಿಮ್ ||೧||

ಹಂಸಕೂಟಮಹಾವಾರ್ಯಂ ಸತ್ಯಧ್ಯಾನಸುಶಿಕ್ಷಿತಮ್ |
ವಿದ್ಯಾಮಾನ್ಯಗುರುಂ ವಂದೇ ಮಾಧ್ವರಾದ್ಧಾಂತವರ್ಧಕಮ್ ||೨||

ಕರಪಾತ್ರಿದುರಾಧರ್ಷಂ ಗೀತಾತಾತ್ಪರ್ಯದುರ್ಗಗಮ್ |
ವಿದ್ಯಾಮಾನ್ಯಗುರುಂ ವಂದೇ ಪ್ರತಿವಾದಿಭಯಂಕರಮ್ ||೩||

ಭಾಷ್ಯಲೇಖಿಕುಲೇ ದೀಪ್ತಂ ಮೂಲಲೇಖಿಕುಲೇ ವರಮ್
ವಿದ್ಯಾಮಾನ್ಯಗುರುಂ ವಂದೇ ನ್ಯಾಸಧರ್ಮವಿಭೂಷಣಮ್ ||೪||

ವಿಮೃಷ್ಟತತ್ವಮಾರ್ತಾಂಡಂ ಕೃತಾದ್ವೈತಸಮೀಕ್ಷಕಮ್ |
ವಿದ್ಯಾಮಾನ್ಯಗುರುಂ ವಂದೇ ದ್ವೈತತಾತ್ಪರ್ಯಸಾಧಕಮ್ ||೫||

ರೌಪ್ಯಕೃಷ್ಣಂ ಹೈಮರಥೇ ವಜ್ರಮೌಲಿವಿಭೂಷಿತಮ್ |
ಸರ್ವಮೂಲೇ ದ್ವಿರಾರಾಧ್ಯ ಧನ್ಯಂ ವಂದೇ ಮಹಾಗುರುಮ್ ||೬||

ವಿಶ್ವೇಶಾಖ್ಯವಿನೇಯೇನ ಮಹಾಪೀಠೇ ವಿರಾಜಿತಮ್ ||
ವಿದ್ಯಾಮಾನ್ಯಗುರುಂ ವಂದೇ ಭಾಸ್ವನ್ನೇತ್ರ ಸುಭಾಸ್ವರಮ್ ||೭||

ವೀತಮಾನಂ ಶೃಂಗಗಿರೌ ಹ್ಯಧೋವಾದೇ ವಿರಾಜಿತಮ್ |
ವಿದ್ಯಾಮಾನ್ಯಗುರುಂ ವಂದೇ ದುರ್ಮತಧ್ವಂಸನಪ್ರಿಯಮ್ ||೮||

ಕರ್ತೃ ಮತ್ತು ಫಲಸ್ತುತಿ
ತಸ್ಯ ದಿವ್ಯಕರಾಬ್ಜೋತ್ಥಶಿಷ್ಯವಿದ್ಯೇಶಭಿಕ್ಷುಣಾ
ಕೃತಂ ನುತ್ಯಷ್ಟಕಂ ಭಕ್ತ್ಯಾ ತತ್ಪ್ರಸಾದಬಲೋನ್ನತೇಃ |
ಗುರುಂ ಮಧ್ವಪ್ರಿಯತ್ವೇನ ಸ್ಮರನ್ನುತ್ಯಷ್ಟಕಂ ಪಠೇತ್
ಸ ಭವೇದ್ ಭೂತಿಸಂಪನ್ನೋ ವೇದರಾಜಪ್ರಸಾದತಃ ||

ವಿದ್ಯಾಮಾನ್ಯ ಪ್ರಾರ್ಥನೆ
ಅದ್ವೈತಹಿಮತಿಗ್ಮಾಂಶುರ್ವಿದ್ಯಾಮಾನ್ಯೋ ಮಹಾಗುರುಃ |
ಜ್ಞಾನಭಕ್ತೀ ಚ ವೈರಾಗ್ಯಂ ದದ್ಯಾನ್ಮಮತಪೋನಿಧಿಃ ||೯||

|| ಇತಿ ಶ್ರೀವಿದ್ಯಾಮಾನ್ಯ ಕರಕಮಲಸಂಜಾತ ಶ್ರೀ ವಿದ್ಯೇಶತೀರ್ಥ ವಿರಚಿತಂ ಶ್ರೀ ವಿದ್ಯಾಮಾನ್ಯ ವಂದನಾಷ್ಟಕಂ ಸಮಾಪ್ತಮ್ ||