ಸರ್ವಮೂಲಗ್ರಂಥಗಳು
ಶ್ರೀಮದಾನಂದತೀರ್ಥಭಗವತ್ಪಾದಾಚಾರ್ಯವಿರಚಿತ
ಸರ್ವಮೂಲ ಆದ್ಯಂತ ಶ್ಲೋಕಗಳು
೧ ಗೀತಾಭಾಷ್ಯಮ್
ಆದಿ
ದೇವಂ ನಾರಾಯಣಂ ನತ್ವಾ ಸರ್ವದೋಷವಿವರ್ಜಿತಮ್ |
ಪರಿಪೂರ್ಣಂ ಗುರೂಂಶ್ಚಾನ್ ಗೀತಾರ್ಥಂ ವಕ್ಷ್ಯಾಮಿ ಲೇಶತಃ ||
ಅಂತ್ಯ
ಪೂರ್ಣಾದೋಷಮಹಾವಿಷ್ಣೋರ್ಗೀತಾಮಾಶ್ರಿತ್ಯ ಲೇಶತಃ |
ನಿರೂಪಣಂ ಕೃತಂ ತೇನ ಪ್ರೀಯತಾಂ ಮೇ ಸದಾ ವಿಭುಃ ||
೨ ಬ್ರಹ್ಮಸೂತ್ರಮ್
ಆದಿ
ನಾರಾಯಣಂ ಗುಣೈಃ ಸರ್ವೈರುದೀರ್ಣಂ ದೋಷವರ್ಜಿತಮ್ |
ಜ್ಞೇಯಂ ಗಮ್ಯಂ ಗುರೂಂಶ್ಚಾಪಿ ನತ್ವಾ ಸೂತ್ರಾರ್ಥ ಉಚ್ಯತೇ ||
ಅಂತ್ಯ
ಜ್ಞಾನಾನಂದಾದಿಭಿಃ ಸರ್ವೈರ್ಗುಣೈಃ ಪೂರ್ಣಾಯ ವಿಷ್ಣವೇ |
ನಮೋಸ್ತು ಗುರವೇ ನಿತ್ಯಂ ಸರ್ವಾಥಾತಿಪ್ರಿಯಾಯ ಮೇ ||
ಯಸ್ಯ ತ್ರೀಣ್ಯುದಿತಾನಿ ವೇದವಚನೇ ರೂಪಾಣಿ ದಿವ್ಯಾನ್ಯಲಂ
ಬಟ್ ತದ್ದರ್ಶತಮಿತ್ಧಮೇವ ನಿಹಿತಂ ದೇವಸ್ಯ ಭರ್ಗೋ ಮಹತ್ |
ವಾಯೋ ರಾಮವಚೋನಯಂ ಪ್ರಥಮಕಂ ಪೃಕ್ಷೋ ದ್ವಿತೀಯಂ ವಪುಃ
ಮಧ್ವೋ ಯತ್ತು ತೃತೀಯಕಂ ಕೃತಮಿದಂ ಭಾಷ್ಯಂ ಹರೌ ತೇನ ಹಿ ||
ನಿತ್ಯಾನಂದೋ ಹರಿಃ ಪೂರ್ಣೋ ನಿತ್ಯದಾ ಪ್ರೀಯತಾಂ ಮಮ |
ನಮಸ್ತಸ್ಮೈ ನಮಸ್ತಸ್ಮೈ ನಮಸ್ತಸ್ಮೈ ಚ ವಿಷ್ಣುವೇ ||
೩ ಅಣುಭಾಷ್ಯಮ್
ಆದಿ
ನಾರಾಯಣಂ ಗುಣೈಸ್ಸರ್ವೈರುದೀರ್ಣಂ ದೋಷವರ್ಜಿತಮ್ |
ಜ್ಞೇಯಂ ಗಮ್ಯಂ ಗುರೂಂಶ್ಚಾಪಿ ನತ್ವಾ ಸೂತ್ರಾರ್ಥ ಉಚ್ಯತೇ ||
ಅಂತ್ಯ
ನಮೋ ನಮೋ ಶೇಷದೋಷದೂರಪೂರ್ಣಗುಣಾತ್ಮನೇ |
ವಿರಿಂಚಿಶ್ರ್ವಪೂರ್ವೇಡ್ಯ ವಂದ್ಯಾಯ ಶ್ರೀವರಾಯ ತೇ ||
೪ ಅನುವ್ಯಾಖ್ಯಾನಮ್
ಆದಿ
ನಾರಾಯಣಂ ನಿಖಿಲಪೂರ್ಣಗುಣೈಕದೇಹಂ
ನಿರ್ದೋಷಮಾಪ್ಯತಮಮಪ್ಯಖಿಲೈಃಸುವಾಕ್ಯೈ |
ಅಸ್ಯೋದ್ಭವಾದಿದಮಶೇಷವಿಶೇಷತೋಪಿ
ವಂದ್ಯಂ ಸದಾ ಪ್ರಿಯತಮಂ ಮಮ ಸನ್ನಮಾಮಿ ||
ಅಂತ್ಯ
ನಮೋ ನಮೋಶೇಷವಿಶೇಷಪೂರ್ಣಗುಣೈಕಧಾಮ್ನೇ ಪುರುಷೋತ್ತಮಾಯ |
ಭಕ್ತಾನುಕಂಪಾದತಿಶುದ್ಧಸಂವಿದ್ಧಾತ್ರೇನುಪಾಧಿಪ್ರಿಯಸದ್ಗುಣಾತ್ಮನೇ ||
ಯಸ್ಯ ತ್ರೀಣ್ಯುದಿತಾನಿ ವೇದವಚನೇ ರೂಪಾಣಿ ದಿವ್ಯಾನ್ಯಲಂ
ಬಟ್ ತದ್ದರ್ಶತಮಿತ್ಠಮೇವ ನಿಹಿತಂ ದೇವಸ್ಯ ಭರ್ಗೋ ಮಹತ್ |
ವಾಯೋ ರಾಮವಚೋನಯಂ ಪ್ರಥಮಕಂ ಪೃಕ್ಷೋ ದ್ವಿತೀಯಂ ವಪುಃ
ಮಧ್ವೋ ಯತ್ತು ತೃತೀಯಮೇತದಮುನಾ ಗ್ರಂಥಃ ಕೃತಃ ಕೇಶವೇ ||
ನಿಶ್ಯೇಷ ದೋಷರಹಿತ ಕಲ್ಯಾಣಾಖಿಲಸದ್ಗುಣ |
ಭೂತಿಸ್ವಯಂಭುಶರ್ವಾದಿವಂದ್ಯಂ ತ್ವಾಂ ನೌಮಿ ಮೇ ಪ್ರಿಯಮ್ ||
೫ ಪ್ರಮಾಣಲಕ್ಷಣಮ್
ಆದಿ
ಅಶೇಷಗುರುಮೀಶೇಶಂ ನಾರಾಯಣಮನಾಮಯಮ್ |
ಸಂಪ್ರಣಮ್ಯ ಪ್ರವಕ್ಷ್ಯಾಮಿ ಪ್ರಮಾಣಾನಾಂ ಸ್ವಲಕ್ಷಣಮ್ ||
ಅಂತ್ಯ
ಅಶೇಶಷಮಾನಮೇಯೈಕಸಾಕ್ಷಿಣೇಕ್ಷಯಮೂರ್ತಯೇ |
ಅಜೇಶಪುರುಹೂತೇಡ್ಯ ನಮೋ ನಾರಾಯಣಾಯ ತೇ ||
೬ ಉಪಾಧಿಖಂಡನಮ್
ಆದಿ
ನಾರಾಯಣೋಗಣ್ಯಗುಣನಿತ್ಯೈಕನಿಲಯಾಕೃತಿಃ |
ಅಶೇಶದೋಷರಹಿತಃ ಪ್ರೀಯತಾಂ ಕಮಲಾಲಯಃ ||
ಅಂತ್ಯ
ನಮೋಮಂದನಿಜಾನಂದಸಾಂದ್ರಸುಂದರಮೂರ್ತಯೇ |
ಇಂದಿರಾಪಾಯೇ ನಿತ್ಯಾನಂದಭೋಜನದಾಯಿನೇ ||
೭ ಮಾಯಾವಾದಖಂಡನಮ್
ಆದಿ
ನರಸಿಂಹೋಖಿಲಜ್ಞಾನಮತಧ್ವಾಂತದಿವಾಕರಃ |
ಜಯತ್ಯಮಿತಸಜ್ಜ್ಞಾನಸುಖಶಕ್ತಿಪಯೋನಿಧಿ ||
ಅಂತ್ಯ
ನಾಸ್ತಿ ನಾರಾಯಣಸಮಂ ನ ಭೂತಂ ನ ಭವಿಶ್ಗ್ಯತಿ |
ಏತೇನ ಸತ್ಯವಾಕ್ಯೇನ ಸರ್ವಾರ್ಥಾನ್ ಸಾಧಯಾಮ್ಯಹಮ್ ||
೮ ಮಿಥ್ಯಾತ್ವಾನುಮಾನಖಂಡನಮ್
ಆದಿ
ವಿಮತಂ ಮಿಥ್ಯಾದೃಶಯತ್ವಾತ್ | ಯದಿತ್ಥಂ ತತ್ತಥಾ ಯಥಾ ಸಂಪ್ರತಿಪನ್ನಮ್ |
ಇತ್ಯುಕ್ತೇ ಜಗತೋಭಾವಾತ್ ಆಶ್ರಯಾಸಿದ್ಧಃ ಪಕ್ಷಃ ||
ಅಂತ್ಯ
ಯೋ ದೃಶ್ಯತೇ ಸದಾನಂದನಿತ್ಯವ್ಯಕ್ತಚಿದಾತ್ಮನಾ |
ನಿರ್ದೋಷಾಖಿಲಕಲ್ಯಾಣ್ಗುಣಂ ವಂದೇ ರಮಾಪತಿಮ್ ||
೯ ತತ್ವಸಂಖ್ಯಾನಮ್
ಆದಿ
ಸ್ವತಂತ್ರಮಸ್ವತಂತ್ರಂ ಚ ದ್ವಿವಿಧಂ ತತ್ವಮಿಷ್ಯತೇ |
ಸ್ವತಂತ್ರೋ ಭಗವಾನ್ ವಿಷ್ಣುರ್ಭಾವಾಭಾವೌ ದ್ವಿಧೇತರತ್ ||
ಅಂತ್ಯ
ಸೃಷ್ಠಿಃ ಸ್ಥಿತಿಃ ಸಂಹೃತಿಶ್ಚ ನಿಯಮೋಜ್ಞಾನಭೋದನೇ | ಬಂದೋ ಮೋಕ್ಷಃ
ಸುಖಂ ದುಃಖಮಾವೃತಿರ್ಜ್ಯೋತಿರೇವ ಚ || ವಿಷ್ಣುನಾಸ್ಯ ಸಮಸ್ತಸ್ಯ
ಸಮಾಸವ್ಯಾಸಯೋಗತಃ ||
೧೦ ತತ್ವವಿವೇಕಃ
ಆದಿ
ಸ್ವತಂತ್ರಂ ಪರತಂತ್ರಂ ಚ ಪ್ರಮೇಯಂ ದ್ವಿವಿಧಂ ಮತಮ್ |
ಸ್ವತಂತ್ರೋ ಭಗವಾನ್ ವಿಷ್ಣುರ್ನಿರ್ದೋಷಾಖಿಲಸದ್ಗುಣಃ ||
ಅಂತ್ಯ
ಯ ಏತತ್ ಪರತಂತ್ರಂ ಸರ್ವಮೇವ ಹರೇಃ ಸದಾ |
ವಶಮಿತ್ಯೇವ ಜಾನಾತಿ ಸಂಸಾರಾನ್ಮುಚ್ಯತೇ ಹಿ ಸಃ ||
೧೧ ತತ್ವೋದ್ಯೋತಃ
ಆದಿ
ಸರ್ವತ್ರಾಖಿಲಸಚ್ಛಕ್ತಿಃ ಸ್ವತಂತ್ರೋಶೇಷದರ್ಶನಃ |
ನಿತ್ಯಾತಾದೃಶಚಿಚ್ಜೇತ್ಯಯಂತೇಷ್ಟೋ ನೋ ರಮಾಪತಿಃ ||
ಅಂತ್ಯ
ಸತ್ಯಚಿಚ್ಜೇತ್ಯಪತಯೇಮುಕ್ತಾಮುಕ್ತೋತ್ತಮಾಯ ತೇ |
ನಮೋ ನಾರಾಯಣಾಯಾರ್ಯವೃಂದವಂದಿತಪದ್ದ್ವಯ ||
೧೨ ಕರ್ಮನಿರ್ಣಯಃ
ಆದಿ
ಯ ಇಜ್ಯತೇ ವಿಹೀಶಾನಶಕ್ರಪೂರ್ವೈಃ ಸದಾ ಮಖೈಃ |
ರಮಾಪ್ರಣಯಿನೇ ತಸ್ಮೈ ಸರ್ವಯಜ್ಞಭುಜೇ ನಮಃ ||
ಅಂತ್ಯ
ನಮೋ ನಾರಾಯಣಾಯಾಜಭವಶಕ್ರೋಷ್ಣರುಙ್ಮುಖೈಃ |
ಸದಾವಂದಿತಪಾದಾಯ ಶ್ರೀಪಾಯ ಪ್ರೇಯಸೇಧಿಕಮ್ ||
೧೩ ವಿಷ್ಣುತತ್ವವಿನಿರ್ಣಯಃ
ಆದಿ
ಸದಾಗಮೈಕವಿಜ್ಞೇಯಂ ಸಮತೀತಕ್ಷರಾಕ್ಷರಮ್ |
ನಾರಾಯಣಂ ಸದಾ ವಂದೇ ನಿರ್ದೋಷಾಶೇಷಸದ್ಗುಣಮ್ ||
ಅಂತ್ಯ
ಸ್ವತಂತ್ರಾಯಾಖಿಲೇಶಾಯ ನಿರ್ದೋಷಗುಣರೂಪಿಣೇ |
ಪ್ರೇಯಸೇ ಮೇ ಸುಪೂರ್ಣಾಯ ನಮೋ ನಾರಾಯಣಾಯ ತೇ ||
೧೪ ಋಗ್ಭಾಷ್ಯಮ್
ಆದಿ
ನಾರಾಯಣಂ ನಿಖಿಲಪೂರ್ಣಗುಣಾರ್ಣಮುಚ್ಜ -
ಸೂರ್ಯಾಮಿತದ್ಯುತಿಮಶೇಷ ನಿರಸ್ತದೋಷಮ್ |
ಸರ್ವೇಶ್ವರಂ ಗುರುಮಜೇಶನುತಂ ಪ್ರಣಮ್ಯ
ವಕ್ಷ್ಯಾಮ್ಯೃಗರ್ಥಮತಿತುಷ್ಟಕ್ಅರಂ ತದಸ್ಯ ||
ಅಂತ್ಯ
ವರ್ತಾಭಿಗಂತಾ ತರುತಾ ಜೇತಾ ವಾಸ್ಯ ನ ಹಿ ಕ್ವಚಿತ್ |
ಯುದ್ಧಂ ಮಹಾಧನಂ ತ್ವರ್ಭಂ ಪ್ರಸಿದ್ಧಂ ಧನಮೇವ ಹಿ ||
೧೫ ಐತರೇಯಭಾಷ್ಯಮ್
ಆದಿ
ನಾರಾಯಣಂ ನಿಖಿಲಪೂರ್ಣಗುಣೈಕದೇಹಂ
ಸರ್ವಜ್ಞಮಚ್ಯುತಮಪೇತಸಮಸ್ತದೋಷಮ್ |
ಪ್ರಾಣಸ್ಯ ಸರ್ವಚಿದಚಿತ್ಪರಮೇಸ್ವರಸ್ಯ
ಸಾಕ್ಷಾದಧೀಶ್ವರಮಿಯಾಂ ಶರಣಂ ರಮೇಶಂ ||
ಅಂತ್ಯ
ಪೂರ್ಣಾಗಣ್ಯಗುಣೋಧಾರಧಾಮ್ನೇ ನಿತ್ಯಾಯ ವೇಧಸೇ |
ಅಮಂದಾನಂದಸಾಂದ್ರಾಯ ಪ್ರೇಯಸೇ ವಿಷ್ಣುವೇ ನಮಃ ||
೧೬ ತೈತ್ತಿರೀಯಭಾಷ್ಯಮ್
ಆದಿ
ಸತ್ಯಂ ಜ್ಞಾನಮನಂತಂ ಆನಂದಂ ಬ್ರಹ್ಮ ಸರ್ವಶಕ್ತ್ಯೇಕಮ್ |
ಸರ್ವೈರ್ದೇವೈರೀಡ್ಯಂ ವಿಷ್ಣಾಖ್ಯಂ ಸರ್ವದೈಮಿ ಸುಪ್ರೇಷ್ಠಮ್ ||
ಅಂತ್ಯ
ಪೂರ್ಣಗಣ್ಯಗುಣೋದಾರಧಾಮ್ನೇ ನಿತ್ಯಾಯ ವೇಧಸೇ |
ಅಮಂದಾನಂದಸಾಂದ್ರಾಯ ಪ್ರೇಯಸೇ ವಿಷ್ಣವೇ ನಮಃ ||
೧೭ ಬೃಹದಾರಣ್ಯಭಾಷ್ಯಮ್
ಆದಿ
ಪ್ರಾಣಾದೇರೀಶಿತಾರಂ ಪರಮಸುಖನಿಧಿಂ ಸರ್ವದೋಷವ್ಯಪೇತಂ
ಸರ್ವಾಂತಸ್ಥಂ ಸುಪೂರ್ಣಂ ಪ್ರಕೃತಿಮಜಂ ಸರ್ವಬಾಹ್ಯಂ ಸುನಿತ್ಯಂ |
ಸರ್ವಜ್ಞಂ ಸರ್ವಶಕ್ತಿಂ ಸುರಮುನಿಮನುಜಾದ್ಯೈಃ ಸದಾ ಸೇವ್ಯಮಾನಂ
ವಿಷ್ಣುಂ ವಂದೇ ಸದಾಹಂ ಸಕಲಜಗದನಾದ್ಯಂತೆಮಾನಂದದಂ ತಮ್ ||
ಅಂತ್ಯ
ಪೂರ್ಣಾಗಣ್ಯಗುಣೋದಾರಧಾಮ್ನೇ ನಿತ್ಯಾಯ ವೇಧಸೇ |
ಅಮಂದಾನಂದಸಾಂದ್ರಾಯ ಪ್ರೇಯಸೇ ವಿಷ್ಣವೇ ನಮಃ ||
೧೮ ಈಶಾವಾಸ್ಯೋಪನಿಷದ್ಭಾಷ್ಯಮ್
ಆದಿ
ನಿತ್ಯಾನಿತ್ಯಜಗದ್ಧಾತ್ರೇ ನಿತ್ಯಾಯ ಜ್ಞಾನಮೂರ್ತಯೇ |
ಪೂರ್ಣಾನಂದಾಯ ಹರಯೇ ಸರ್ವಯಜ್ಞಭುಜೇ ನಮಃ ||
ಅಂತ್ಯ
ಪೂರ್ಣಶಕ್ತಿಚಿದಾನಂದಶ್ರೀತೇಜಃಸ್ಪಷ್ಟಮೂರ್ತಯೇ |
ಮಮಾಭ್ಯಧಿಕಮಿತ್ರಾಯ ನಮೋ ನಾರಾಯಣಾಯ ತೇ ||
೧೯ ಕಾಠಕೋಪನಿಷದ್ಭಾಷ್ಯಮ್
ಆದಿ
ನಮೋ ಭಗವತೇ ತಸ್ಮೈ ಸರ್ವತಃ ಪರಮಾಯ ತೇ |
ಸರ್ವಪ್ರಾಣಿಹೃದಿಸ್ಥಾಯ ವಾಮನಾಯ ನಮೋ ನಮಃ ||
ಅಂತ್ಯ
ನಮೋ ಭಗವತೇ ತಸ್ಮೈ ವಿಷ್ಣವೇ ಪ್ರಭವಿಷ್ಣವೇ |
ಯಸ್ಯಾಹಮಾಪ್ತ ಆಪ್ತೇಭ್ಯೋ ಯೋ ಮಮ ಆಪ್ತತಮಃ ಸದಾ ||
೨೦ ಛಾಂದೋಗ್ಯೋಪನಿಷದ್ಭಾಷ್ಯಮ್
ಆದಿ
ಅತ್ಯುದ್ರಿಕ್ತದೋಷಸತ್ಸುಖಮಹಾಜ್ಞಾನೈಕತಾನಪ್ರಭಾ -
ಸರ್ವಪ್ರಾಭವಭೋಗಶಕ್ತಿಬಲಸತ್ಸಾರಾತ್ಮದಿವ್ಯಾಕೃತಿಮ್ |
ಸೃಷ್ಟಿಸ್ಥಾನನಿರೋಧನಿತ್ಯನಿಯತಿಜ್ಞಾನಪ್ರಕಾಶಾವೃತಿಧ್ವಾಂತಾ
ಮೋಕ್ಷ ವಿಮೋಕ್ಷದಂ ಹರಿಮಜಂ ನಿತ್ಯಂ ಸದೋಪಾಸ್ಮಹೇ ||
ಅಂತ್ಯ
ಆನಂದತೀರ್ಥ ಇತಿ ತು ಯಸ್ಯ ನಾಮ ದ್ವಿತೃತೀಯಕಮ್ |
ಪೂರ್ಣಪ್ರಜ್ಞೇನ ತೇನೇದಂ ಕೃತಂ ಭಾಷ್ಯಂ ಹರೇ ಪ್ರಿಯಮ್ ||
ನಿತ್ಯಾನಂದೋ ಹರಿಃ ಪೂರ್ಣೋ ಸರ್ವದಾಪ್ರೀಯತಾಂ ಮಮ |
ನಮಸ್ತಸ್ಮೈ ನಮಸ್ತಸ್ಮೈ ನಮಸ್ತಸ್ಮೈ ಚ ವಿಷ್ಣುವೇ ||
೨೧ ಅಥರ್ವಣೋಪನಿಷದ್ಭಾಷ್ಯಮ್
ಆದಿ
ಆನಂದಮಜರಂ ನಿತ್ಯಮಜಮಕ್ಷಯಮಚ್ಯುತಮ್ |
ಅನಂತಶಕ್ತಿಂ ಸರ್ವಜ್ಞಂ ನಮಸ್ಯೇ ಪುರುಷೋತ್ತಮಮ್ ||
ಅಂತ್ಯ
ಪ್ರೀಯತಾಂ ಭಗವಾನ್ ಮಹ್ಯಂ ಪ್ರೇಷ್ಠಪ್ರೇಷ್ಠತಮಃ ಸದಾ |
ಮಮ ನಿತ್ಯಂ ನಮಾಮ್ಯೇನಂ ಪರಮೋದಾರಸದ್ಗುಣಮ್ ||
೨೨ ಮಾಂಡೂಕೋಪನಿಷದ್ಭಾಷ್ಯಮ್
ಆದಿ
ಪೂರ್ಣಾನಂದಜ್ಞಾನಶಕ್ತಿಸ್ವರೂಪಂ ನಿತ್ಯಮವ್ಯಯಮ್ |
ಚತುರ್ಧಾ ಸರ್ವಭೋಕ್ತಾರಂ ವಂದೇ ವಿಷ್ಣುಂ ಪರಂ ಪದಮ್ ||
ಅಂತ್ಯ
ಏಕೋಪಿ ನಿರ್ವಿಶೇಷೋಪಿ ಚತುರ್ಧಾ ವ್ಯವಹಾರಭಾಕ್ |
ಯಸ್ತಂ ವಂದೇ ಚಿದಾತ್ಮಾನಂ ವಿಷ್ಣುಂ ವಿಶ್ವಾದಿರೂಪಿಣಮ್ ||
೨೩ ಷಟ್ಪ್ರಶ್ನೋಪನಿಷದ್ಭಾಷ್ಯಮ್
ಆದಿ
ನಮೋ ಭಗವತೇ ತಸ್ಮೈ ಪ್ರಾಣಾದಿಪ್ರಭವಿಷ್ಣವೇ |
ಅಮಂದಾನಂದಸಾಂದ್ರಾಯ ವಾಸುದೇವಾಯ ವೇದ್ಗಸೇ ||
ಅಂತ್ಯ
ನಮೋ ನಮೋಸ್ತು ಹರಯೇ ಪ್ರೇಷ್ಠಪ್ರೇಷ್ಠತಮಾಯ ತೇ |
ಪರಮಾನಂದಸಂದೋಹಸಾಂದ್ರಾನಂದವಪುಷ್ಮತೇ ||
೨೪ ತಲವಕಾರೋಪನಿಷದ್ಭಾಷ್ಯಮ್
ಆದಿ
ಅನಂತಗುಣಪೂರ್ಣತ್ವಾದಗಮ್ಯಾಯ ಸುರೈರಪಿ |
ಸರ್ವೇಷ್ಟದಾತ್ರೇ ದೇವಾನಾಂ ನಮೋ ನಾರಾಯಣಾಯ ತೇ ||
ಅಂತ್ಯ
ಯಶ್ಚಿದಾನಂದಸಚ್ಚಕ್ತಿಸಂಪೂರ್ಣೋ ಭಗವಾನ್ ಪರಃ |
ನಮೋಸ್ತು ವಿಷ್ಣವೇ ತಸ್ಮೈ ಪ್ರೇಷ್ಠಾಯ ಪ್ರೇಯಸಾಂ ಚ ಮೇ ||
೨೫ ಗೀತಾತಾತ್ಪರ್ಯನಿರ್ಣಯಃ
ಆದಿ
ಸಮಸ್ತ ಗುಣಸಂಪೂರ್ಣಂ ಸರ್ವದೋಷವಿವರ್ಜಿತಮ್ |
ನಾರಾಯಣಂ ನಮಸ್ಕೃತ್ಯ ಗೀತಾತಾತ್ಪರ್ಯಮುಚ್ಯತೇ ||
ಅಂತ್ಯ
ನಮಸ್ತೇ ವಾಸುದೇವಾಯ ಪ್ರೇಯಸಾಂ ಮೇ ಪ್ರಿಯೋತ್ತಮ |
ಸಮಸ್ತಗುಣಸಂಪೂರ್ಣನಿರ್ದೋಷಾನಂದದಾಯಿನೇ ||
೨೬ ನ್ಯಾಯವಿವರಣಮ್
ಆದಿ
ಚೇತನಾಚೇತನಜಗನ್ನಿಯಂತ್ರೇಶೇಷಸಂವಿದೇ |
ನಮೋ ನಾರಾಯಣಾಯಾಜಶರ್ವಶಕ್ರಾದಿವಂದಿತ ||
ಅಂತ್ಯ
ನಮೋಜಬ್ಜಭವಭೂರ್ಯಕ್ಷಪುರಃಸರಸುರಾಶ್ರಯ |
ನಾರಾಯಣಾರಣಂ ಮಹ್ಯಂ ಮಾಪತೇ ಪ್ರೇಯಸಾಂ ಪ್ರಿಯ ||
೨೭ ನರಸಿಂಹನಖಸ್ತುತಿಃ
ಆದಿ
ಪಾಂತ್ವಸ್ಮಾನ್ ಪುರಹೂತವೈರಿಬಲವನ್ಮಾತಂಗಮಾದ್ಯದ್ಘಟಾ -
ಕುಂಭೋಚ್ಚಾದ್ರಿವಿಪಾಟನಾಧಿಕಪಟುಪ್ರತ್ಯೇಕವಜ್ರಾಯಿತಾಃ |
ಶ್ರೀಮತ್ಕಂಠೀರವಾಸ್ಯಪ್ರತತಸುನಖರಾ ದಾರಿತಾರಾತಿದೂರ -
ಪ್ರಧ್ವಸ್ತಧ್ವಾಂತಶಾಂತಪ್ರವಿತತಮನಸಾ ಭಾವಿತಾ ನಾಕಿವೃಂದೈಃ ||
ಅಂತ್ಯ
ಲಕ್ಷ್ಮೀಕಾಂತಸಮಂತತೋ ವಿಪಿಕಲಯನ್ನೈವೇಶಿತುಸ್ತೇ ಸಮಂ
ಪಶ್ಯಾಮ್ಯುತ್ತಮವಸ್ತು ದೂರತರತೋಪಾಸ್ತಂ ರಸೋ ಯೋಷ್ಟಮಃ |
ಯದ್ರೋಷೋತ್ಕರದಕ್ಷನೇತ್ರಕುಟಿಲಪ್ರಾಂತೋತ್ಥಿತಾಗ್ನಿಸ್ಫುರ -
ತ್ಖದ್ಯೋತೋಪಮವಿಸ್ಫುಲಿಂಗಭಸಿತಾಃ ಬ್ರಹ್ಮೇಶಶಕ್ರೋತ್ಕರಾಃ ||
೨೮ ಯಮಕಭಾರಮ್
ಆದಿ
ಧ್ಯಾಯೇತ್ತಂ ಪರಮಾನಂದಂಯನ್ಮಾತಾಪತಿಮಯದಪರಮಾನಂದಮ್ |
ಉಜ್ಝಿತಪರಮಾನಂ ದಂಪತ್ಯಾದ್ಯಾಮೈಃ ಸದೈವ ಪರಮಾನಂದಮ್ ||
ಅಂತ್ಯ
ಇತಿ ನಾರಾಯಣನಾಮಾ ಸುಖತೀರ್ಥಪೂಜಿತಃ ಸುನಾರಾಯಣನಾಮಾ |
ಪೂರ್ಣಗುಣೈರಧಿಕಜ್ಞಾನೇಚ್ಛಾಶಭಕ್ತಿಭಿಃ ಸ್ವಧಿಕಪೂರ್ಣಃ ||
೨೯ ದ್ವಾದಶಸ್ತೋತ್ರಮ್
ಆದಿ
ವಂದೇ ವಂದ್ಯಂ ಸದಾನಂದಂ ವಾಸುದೇವಂ ನಿರಂಜನಮ್ |
ಇಂದಿರಾಪತಿಮಾದ್ಯಾದಿವರದೇಶವರಪ್ರದಮ್ ||
ಅಂತ್ಯ
ಆನಂದ ಚಂದ್ರಿಕಾಸ್ಯಂದಕವಂದೇ |
ಆನಂದತೀರ್ಥಪರಾನಂದವರದ ||
೩೦ ತಂತ್ರಸಾರ ಸಂಗ್ರಹಃ
ಆದಿ
ಜಯತ್ಯಬ್ಜಭವೇಶೇಂದ್ರವಂದಿತಃ ಕಮಲಾಪತಿಃ |
ಅನಂತವಿಭವಾನಂದಶಕ್ತಿಜ್ಞಾನಾದಿಸದ್ಗುಣಃ ||
ಅಂತ್ಯ
ಅಶೇಷದೋಷೋಜ್ಝಿತಪೂರ್ಣಸದ್ಗುಣಂ ಸದಾವಿಶೇಷಾವಗತೋರುರೂಪಮ್ |
ನಮಾಮಿ ನಾರಾಯಣಮಪ್ರತೀಪಂ ಸದಾಪ್ರಿಯೇಭ್ಯಃ ಪ್ರಿಯಮಾದರೇಣ ||
೩೧ ಸದಾಚಾರಸ್ಮೃತಿಃ
ಆದಿ
ಯಸ್ಮಿನ್ ಸರ್ವಾಣಿ ಕರ್ಮಾಣಿ ಸನ್ಯಸ್ಯಾಧ್ಯಾತ್ಮಚೇತಸಾ |
ನಿರಾಶೀರ್ನಿರ್ಮಮೋ ಯಾತಿ ಪರಂ ಜಯತಿ ಸೋಚ್ಯುತಃ ||
ಅಂತ್ಯ
ಅಶೇಷ ಕಲ್ಯಾಣಗುಣನಿತ್ಯಾನುಭವಸತ್ತನುಃ |
ಅಶೇಷದೋಷರಹಿತಃ ಪ್ರೀಯತಾಂ ಪುರುಷೋತ್ತಮಃ ||
೩೨ ಕಥಾಲಕ್ಷಣಮ್
ಆದಿ
ನೃಸಿಂಹಮಖಿಲಾಜ್ಞಾನತಿಮಿರಾಶಿಶಿರದ್ಯುತಿಮ್ |
ಸಂಪ್ರಮಣಮ್ಯ ಪ್ರವಕ್ಷ್ಯಾಮಿ ಕಥಾಲಕ್ಷಣಮಂಜಸಾ ||
ಅಂತ್ಯ
ಆನಂದತೀರ್ಥಮುನಿನಾ ಬ್ರಹ್ಮತರ್ಕಾನುಸಾರತಃ |
ಕಥಾಲಕ್ಷಣಮಿತ್ಯುಕ್ತಂ ಪ್ರೀತ್ಯರ್ಥಂ ಶಾರ್ಙ್ಗಧನ್ವನಃ ||
೩೩ ಮಹಾಭಾರತ ತಾತ್ಪರ್ಯನಿರ್ಣಯಃ
ಆದಿ
ನಾರಾಯಣಾಯ ಪರಿಪೂರ್ಣಗುಣಾರ್ಣವಾಯ
ವಿಶ್ವೋದಯಸ್ಥಿತಿಲಯೋನ್ನಿಯತಿಪ್ರದಾಯ|
ಜ್ಞಾನಪ್ರದಾಯ ವಿಭುದಾಸುರಸೌಖ್ಯದುಃಖ -
ಸತ್ಕಾರಣಾಯ ವಿತತಾಯ ನಮೋ ನಮಸ್ತೇ ||
ಅಂತ್ಯ
ಯಃ ಸರ್ವಗುಣಸಂಪೂರ್ಣಃ ಸರ್ವದೋಷವಿವರ್ಜಿತಃ |
ಪ್ರೀಯತಾಂ ಪ್ರೀತ ಏವಾಲಂ ವಿಷ್ಣರ್ಮೇ ಪರಮಃ ಸುಹೃತ್ ||
೩೪ ಭಾಗವತತಾತ್ಪರ್ಯನಿರ್ಣಯಃ
ಆದಿ
ಸೃಷ್ಟಿಸ್ಥಿತ್ಯಪ್ಯಯೇಹಾನಿಯತಿದೃಶಿತಮೋಬಂಧಮೋಕ್ಷಾಶ್ಚ ಯಸ್ಮಾತ್
ಅಸ್ಯ ಶ್ರೀಬ್ರಹ್ಮರುದ್ರಭೃತಿಸುರನರದ್ವೀಶಶತ್ರ್ವಾತ್ಮಕಸ್ಯ | ವಿಷ್ಣೋರ್ವ್ಯಸ್ತಾಃ
ಸಮಸ್ತಾಃ ಸಕಲಗುಣನಿಧಿಃ ಸರ್ವದೋಷವ್ಯಪೇತಃ ಪೂರ್ಣಾನಂದೋ -
ವ್ಯಯೋ ಯೋ ಗುರುರಪಿ ಪರಮಶ್ಚಿಂತಯೇ ತಂ ಮಹಾಂತಮ ||
ಅಂತ್ಯ
ನಿತ್ಯಾದೋಷಸ್ವರೂಪಾಯ ಗುಣಪೂರ್ಣಾಯ ಸರ್ವದಾ |
ನಾರಾಯಣಾಯ ಹರಯೇ ನಮಃ ಪ್ರೇಷ್ಠತಮಾಯ ತೇ ||
೩೫ ಯತಿಪ್ರಣವಕಲ್ಪಃ
ಆದಿ
ಸಮಿಚ್ಚ್ರವಾದಿಕಾನ್ ಹುತ್ವಾ ಸಮ್ಯಕ್ ಪುರುಷಸೂಕ್ತತಃ |
ಸರ್ವೇಷಾಮಭಯಂ ದತ್ವಾ ವಿರಕ್ತಃ ಪ್ರವ್ರಜೇದ್ಧರಿಮ್ ||
ಅಂತ್ಯ
ತದರ್ಥಾನ್ ಬ್ರಹ್ಮಸೂತ್ರೈಶ್ಚ ಸಮ್ಯಙ್ನೆರ್ಣೀಯ ತತ್ವತಃ |
ವಿಷ್ಣೋಃ ಸರ್ವೋತ್ತಮತ್ವಂ ಚ ಸರ್ವದಾ ಪ್ರತಿಪಾದಯ ||
೩೬ ಜಯಂತೀನಿರ್ಣಯಃ
ಆದಿ
ರೋಹಿಣ್ಯಾಮರ್ಧರಾತ್ರೇ ತು ಯದಾ ಕಾಲಾಷ್ಟಮೀ ಭವೇತ್ |
ಜಯಂತೀ ನಾಮ ಸಾ ಪ್ರೋಕ್ತಾ ಸರ್ವಪಾಪಪ್ರಣಾಶಿನೀ ||
ಅಂತ್ಯ
ಸರ್ವಾಯೇತಿ ಚ ಮಂತ್ರೇಣ ತತಃ ಪಾರಣಮಾಚರೇತ್ |
ಧರ್ಮಾಯೇತಿ ತತಃ ಸ್ವಸ್ಥೋ ಮುಚ್ಯತೇ ಸರ್ವಕಿಲ್ಬಿಷೈಃ ||
೩೭ ಕೃಷ್ಣಾಮೃತಮಹಾರ್ಣವಃ
ಆದಿ
ಅರ್ಚಿತಃಸಂಸ್ಮೃತೋ ಧ್ಯಾತಃ ಕೀರ್ತಿತಃ ಕಥಿತಃ ಶ್ರುತಃ |
ಯೋ ದದಾತ್ಯಮೃತತ್ವಂ ಹ ಸ ಮಾಂ ರಕ್ಷತು ಕೇಶವಃ ||
ಅಂತ್ಯ
ಯಃ ಸರ್ವಗುಣಸಂಪೂರ್ಣಃ ಸರ್ವದೋಷವಿವರ್ಜಿತಃ |
ಪ್ರೀಯತಾಂ ಪ್ರೀತ ಏವಾಲಂ ವಿಷ್ಣುರ್ಮೇ ಪರಮಃ ಸಿಹೃತ್ ||
೩೮ ಕಂದುಕಸ್ತುತಿಃ
ಅಂಬರಗಂಗಾಚುಂಬಿತಪಾದಃ ಪದತಲವಿದಲಿತಗುರುತರಶಕಟಃ |
ಕಾಲಿಯನಾಗಕ್ಷ್ವೇಲನಿಹಂತಾ ಸರಸಿಜನವದಲವಿಕಸಿತನಯನಃ ||
ಕಾಲಘನಾಲೀಕರ್ಬುರಕಾಯಃ ಶರಶತಶಕಲಿತರಿಪುಶತನಿವಹಃ |
ಸಂತತಮಸ್ಮಾನ್ ಪಾತು ಮುರಾರಿಃ ಸತತಗಸಮಜವಖಗಪತಿನಿರತಃ ||
೩೯ ಬಿಲ್ವಮಂಗಲ ಸಾಧುಃ
ಹೃದಯ ಗುಹೆಯಲ್ಲಿ ಆತ್ಮ ಮತ್ತು ಅಂತರಾತ್ಮ ಎಂಬ ಎರಡು ರೋಪಗಳಿಂದ ಸದಾ ನೆಲೆಸಿರುವ ಭಗವಂತನು ಅತ್ಯಂತ ಸಾರರೂಪನಾಗಿದ್ದು ನಿರ್ಭೀತನೂ ಆಗಿದ್ದಾನೆ.
ಮುಂದುವರೆದುದು
